செய்தி இதுதான், இந்தியாவில் என் அம்மாவீட்டுக்கு பக்கத்து வீட்டில் இருந்த சுமார் எழுபது வயது பாட்டி எங்கேயோ சென்றுவிட்டு பஸ் ஸ்டாண்டில் நின்று கொண்டிருந்திருக்கிறார். அப்போது ஒரு ஆட்டோ காரர் அவரை அணுகி,
"நீங்க கண்ணனோட அம்மாதானே மா, என்ன மா இந்த பக்கம்" என்று கேட்டு இருக்கிறார். அந்த அம்மாவுக்கு விசாரித்தவர் யார் என்று தெரியாமல் இருந்தாலும் தன் பையன் பெயர் சொன்னதால் "யாரப்பா நீ" என்று கேட்டு இருக்கிறார். அந்த ஆட்டோ காரர் தான் கண்ணன் உடன் கூட படித்தவர் எனவும் வீட்டுக்கு எல்லாம் வந்திருக்கிறேன் எனவும் சொல்ல அந்த பாட்டி நம்பி இருக்கிறார்.
பிறகு அந்த பாட்டியை அழைத்து சென்று கூல் ட்ரிங்க்ஸ் வாங்கி கொடுத்து இருக்கிறார் அந்த ஆட்டோ காரர். அப்புறம் என்ன நடந்தது என்று பாட்டிக்கு தெரியவில்லை. பிறகு நினைவு வந்த போது பாட்டியின் நகை களவாடப்பட்டு, சேலை எல்லாம் தாறுமாறாக இருந்திருக்கிறது (என்ன நடந்திருக்கும் என்று யூகித்து கொள்ளுங்கள்).
இதில் என்ன கொடுமை என்றால் அந்த பாட்டியின் பையன் கண்ணன் ஒரு போலீஸ் அதிகாரி என்பதே.
