Monday, June 9, 2014

வாயை மூடி பேசவுமும் contagion, outbreak ம்

2009 ஆம் ஆண்டு மத்தியில் பரவ ஆரம்பித்த H1N1 swine flu வைரஸ் புது வகையாக பன்றியில் இருந்து மனிதனுக்கு தாவிய வைரஸ். அது மனிதனின்  ஜீனொமுக்கு ஏற்ப தன்னை தகவமைத்து கொண்டு பரவியது.

பொதுவாக ஃப்ளு வைரஸ் கிருமி என்பது இது வரை 3 உயிரினங்களை மட்டுமே தாக்கி வந்துள்ளது: மனிதன், பன்றி மற்றும் பறவைகள்.

இவற்றில் இது வரை பன்றியில் இருந்து மட்டுமே மனிதனுக்கு மிக எளிதாக ஃப்ளு வைரஸ் பரவி இருக்கிறது. கடந்த ஆண்டு H7N9 என்னும் புதிய வகை ஃப்ளு வைரஸ் சைனாவில் பறவைகளில் இருந்து மனிதனுக்கு பரவ ஆரம்பித்தது, ஆயினும் H1N1 swine flu வைரஸ் போல அதனால் பரவ இயலவில்லை. ஏனெனில், H1N1 swine flu காற்றின் மூலம் பரவ கூடியது, ஒருவர் ஒரு தும்மல் தும்மினால் போதும் அதிலிருந்து கோடான கோடி வைரஸ் கிருமிகள் வெளி வருகின்றன. அவை அடுத்த மனிதர்களுக்கு அப்படி பரவுகின்றன.

ஆனால் H7N9 போன்ற பறவைகள் ஃப்ளு வோ நம்முடைய digestive system ஐ தாக்க கூடியது. இதனால் சீக்கிரம் பரவ இயலவில்லை என்றாலும், மனிதனுக்கு மரணத்தை விளைவித்தது. 

H7N9 flu  போன்ற ஒரு புது வகை வைரஸ் அதுவும் மனிதனுக்கு மரணத்தை விளைவிக்க கூடிய ஒன்று காற்றில் பரவினால் என்னாகும்?, அதுவே, contagion, outbreak போன்ற ஹாலிவுட் படங்களின் கரு. 

இப்படி ஒரு புது வைரஸ் பரவுகிறது என்றறிந்தால் என்னென்ன முயற்சிகள் மேற்கொள்கிறார்கள் என்று contagion படத்தில் சொல்லி இருப்பார்கள். கொஞ்சம் மிகைபடுத்த பட்டு இருப்பினும் இந்த படங்களில் சொல்லப்பட்ட பல விஷயங்கள் செயல் படுத்த படுவதை நேரில் நான் பார்த்ததுண்டு.




இதனை போன்ற ஒரு கரு கொண்ட படங்கள் தமிழில் வந்தால் நன்றாக இருக்கும் என்று நான் நினைத்ததுண்டு.




அதனை ஓரளவு பூர்த்தி செய்த படம் வாயை மூடி பேசவும். ஆயினும் இந்தியன் சினிமாவுக்கே உரிய அசட்டு காதல், பாடல்கள், அசட்டு காமெடி என்று இவர்கள் தடம் மாறாமல் ஒரு திரில்லர் போல இருந்திருந்தால் சொல்ல வந்த விஷயம் மக்களுக்கு போய் சேர்ந்திருக்கும் என்று நினைக்கிறேன். 

இந்த படம் ஒரு attempt on மெடிக்கல் பீல்ட் என்றாலும் பல science தவறுகளும் காண நேர்ந்தது, வைரஸ் ஒரு genetic disease அது antibiotic கொடுத்தால் குணமாகும், குரலை மட்டும் எடுக்கும் வைரஸ் போன்ற சில விஷயங்கள் மட்டும் நீக்கி பார்த்தால் இதனை போன்ற படங்களை தமிழில் வரவேற்கலாம். 


1 comment:

Abarajithan Gnaneswaran said...

படத்தோட கரு அது இல்லை. படம் முக்கியமா ஒரு sarcastic, satire படம்.

"எந்தப் பிரச்சனையும் மனம் விட்டுப் பேசித் தீர்க்க முடியும்"னு காட்டறதுக்கு ஒரு பேச்சு இல்லாத சூழல் தேவைப்பட்டிருக்கு. அதுக்கு அவங்க ஒரு fantasy மாதிரி இந்த நோயை பயன்படுத்தியிருக்காங்க. அவ்வளவுதான். (ஆங்கிலத்துல கூட ஒரு ஆணோட, பெண்ணோட ஆன்மாக்கள் இடம் மாறுறதுன்னு படம் இருக்கு. அதை அறிவியல் புனைவுன்னு சொல்ல முடியுமா?)

அந்த தீம் கூட நிறைய social satire கலந்து அழகா எடுத்திருக்க்காங்க. நோயைப் பற்றிய படம் வேணும்னா ஜீவா, நயன்தாரா நடிச்ச ஒண்ணு இருக்குன்னு நினைக்கறேன்.